Wednesday 18 February 2015

Jurlique全新草本精華洗面慕絲

澳洲天然護膚品牌Jurlique全新草本精華系列潔面慕絲,超級好用,一試就愛上左呢枝洗面mousse. Oil base加上神奇既設計,一唧出黎既泡泡超級幼滑,生完bb後皮膚變得又乾又敏感仲好容易塞毛孔生粉刺同豆豆。平時返工成日化妝,返到屋企要用落妝水落一次再加洗面奶洗面先乾淨。呢枝超級方便,落妝洗面一take過,用完感覺好乾淨清爽仲好柔軟。強力推介

Tuesday 17 February 2015

推介新西蘭天然品牌ECOSTORE

最近愛上新西蘭平價天然品牌ecostore. 生完bb後皮膚變得乾燥容易過敏,特別推介呢款又平又好用既天然肥皂,純羊奶適合bb幼嫰皮膚,而我自己就中意香茅味,工作忙碌放工就要照顧bb同打理家頭細務,香茅味有助放鬆舒緩。ecostore係香港國內唔係太多人認識,可算係一個被忽視既品牌。
好多人都認為肥皂唔衛生,紐約時報刊登一份研究證明,將大量大腸桿菌及綠膿桿菌種係肥皂,安排16人用同一舊肥皂測試,結果顯示佢地既手無呢兩隻細菌。研究人員解釋肥皂結構既親油部份會沖走皮膚既油污,而親水部份會將油脂及細菌帶走變成無菌。
我絕對係個精打細算既小師奶,每次見到減價既時侯就會瘋狂上倉。

Friday 13 February 2015

新一年新開始

上年寫左一個僅得4篇中英對照文既blog去紀錄自己既減肥周記,最後都係無衡心繼續落去。當時由於生完bb 荷爾蒙失調影響下,體失標升至高達82公斤。困擾左我接近兩年,當我放棄唔減,唔嗲唔吊後幾個月,曙光竟然出現-發覺經期正常返,體重自動會落至現時71公斤。我滿於現狀,決定重新寫blog去分享一下我生活點滴!新一年比自己一個新既開始!